Litratong Pinoy #35: Ang Pagwawagi!

Yan ang akala ko nang makuha ko ang stub na ito mula sa drumstick na aking binili kamakailan lamang. Palibhasa'y hindi ako nakakabasa ng Instik kaya't napagkamalan kong instant win ng HKD 20K ang kapirasong papel na ito. Ngunit ayon sa pagsasalin ng ka-opisina kong Intsik, wala akong napanalunan... Ito ay isang payak na halimbawa ng isa sa mga pagsubok na kailangang harapin ng isang OFW. Kailangan mong kapain unti-unti ang kultura ng iba. Ang wika nila. Ang pamamaraan ng pagsulat. Ang mga kakaibang tradisyon. Maski ang sense of humor minsan ay hindi mo maintindihan. Minsan kahit pa naisin mong mapabilang ay hindi talaga uubra at hindi ito maaring maging ganap. Mananatili kang tagalabas sa kanilang mga mata. Iyan ang nakalulungkot... Tunay na mahirap maging isang nandarayuhang manggagawang Filipino. Maaring wagi ka sa pangangailangan pinansiyal ngunit talunan ka naman dahil malayo ka sa mga mahal mo sa buhay... Kaya't sana naman ay magtino na ang ating pamahalaan para hindi na kailanganing lumayas ng mga Filipino sa ating sariling bayan. Kapag nangyari iyon, tayong lahat ay wagi.

The seats are empty

Jelly in a bottle

Litratong Pinoy #34: Madumi

Sinasabing madumi ang scrubbing sponge bagaman ito ang gamit natin pangsabon at panglinis ng mga pinagkainang plato at kubyertos. Paano'y laging basa kaya naman madaling tubuan ng mikrobyo. Payo ng mga eksperto sa hugasan ng plato, gamitan ng disinfectant at patuyuin ang scrubbing sponge matapos gamitin. Nabasa ko rin minsan na maari itong isalang sa microwave para ma-sterilize pero hindi ko pa ito nasubukan. Ikaw paano ka mag-alaga ng sponge?

Flowers Two

Wheel

Five suns and a moon

Multiplicity

Litratong Pinoy #33: Kinagisnan

Bilang mga Filipino, sanay tayong kumain gamit ang kutsara at tinidor. Isa na naman ito sa mga gawing namana o ginaya natin sa mga kanluraning mananakop. Nang mapadpad ako dito sa Hong Kong, ang kinagisnan kong kubyertos ay napalitan ng chopsticks. Hiyang naman ako sa paggamit nito kaya lagi pa rin akong busog... Ngunit paguwi ko sa bahay, kutsara at tinidor pa rin ang pili kong sandata.

Mood swings of the HK Cultural Centre wall

Litratong Pinoy #32: Maalaala mo kaya?

Hindi pa gaanong luma ang napili kong lahok para sa Litratong Pinoy ngayong Huwebes. Ito ang kuha ko ng malaking replica ng Beijing 2008 Olympic Torch sa Victoria Harbour. Masasabing matagumpay and naturang Olympics at maaring mahirap malampasan kung hindi man maparisan. Tunay akong namangha sa husay na ipinamalas ng mga Instik sa opening ceremonies pa lamang. Hindi rin natinag ang mga atleta ng Tsina sa kanilang mithi na magkamit ng pinakamaraming medalya sa nasabing palaro. Ngunit naalaala niyo ba ang torch relay bago nagsimula ang 2008 Olympics? Sa mga bansang dinaanan ng relay, marami ang nagprotesta dahil sa mga isyung kinakaharap ng Tsina hinggil sa paglabag sa karapatang pantao. May ilan na nagtangkang agawin ang sulo o di kaya'y patayin ang sindi nito. Nagkaroon tuloy ng mas malalim na simbolo ang sulo ng Beijing 2008 Olympics hindi lang para sa mga Intsik kundi para sa lahat ng mga bansang kasali sa palaro.
-------------------
...at alam niyo ba na may tangka ang Pilipinas mag-host ng Olympics? Nagulat ba kayo? Basahin ang post ko sa mga links na ito:
Beijing 2008...Manila 2020?
Our Olympic Priority

at the Avenue of Stars (minus the stars)