Thursday, October 30, 2008

Litratong Pinoy #31: Kadiliman

Napakaraming tao ang nagaabang ng fireworks noong nakaraang National Day dito sa Hong Kong. Sa aming pagod dahil sa maghapong lakaran noong araw na iyon ay saglit kaming lumupagi ng aking mga kaibigan sa kalsada dahil wala naman kaming ibang maupuan. Pinaglaruan ko ang aking camera habang nakaupo. Madilim dahil sa kapal ng tao. Maya-maya ay nasipat ko ang tuktok ng Central Plaza Building sa aking viewfinder sabay pindot. Ang Central Plaza ang ikalawang pinakamataas na gusali sa HK at ikasampu sa buong mundo kung Taipei 101 ang basehan. Maya-maya ay nagsimula na ang fireworks kaya't kami ay tumayo... at nagwakas ang kadiliman... Matatagpuan ang mga amateur ko na kuha ng fireworks sa link na ito: fireworks.

Tuesday, October 28, 2008

Turtles

Animal Lanterns





Friday, October 24, 2008

Thursday, October 23, 2008

Litratong Pinoy #30: Liwanag


Nagliliwanag lalo ang Victoria Harbour dito sa Hong Kong tuwing sasapit ang ika-8 ng gabi dahil sa "Symphony of Lights". Lahat ng malalaking gusali sa Hong Kong Island ay kasali sa naturang palabas. Animo'y sumasayaw ang mga ilaw ng mga gusali sa saliw ng musika. Makailang ulit ko nang natunghayan ang Symphony pero hindi pa rin ako nagsasawa. Sulit itong sadyain dahil walang bayad ang panonood. Sana makaisip rin ang ganitong uri ng pakulo ang Kagawaran ng Turismo sa Pilipinas.

Saturday, October 18, 2008

Thursday, October 16, 2008

Litratong Pinoy#29: Bago nga kaya?


Sa kalye Wang Lok (dito sa Hong Kong) ay malimit akong makakita ng mga sofa na mukhang pinagsawaan na ng dating may-ari. Iniiwanan lang nila sa tabing kalsada. Pagpapaliwanag sa akin nung kaibigan kong Intsik, ang ibig sabihin ay maari na itong kunin ng maski sinong mapaibig. Nakakapagtaka dahil ang sofa sa larawan sa itaas ay ilang buwan nang nakababad sa tabi ng fire hydrant ngunit wala pa ring kumukuha, bagaman mukhang bago pa at walang sira. Kaunting punas lang ay di mo na halata na dinampot lang sa tabing-kalsada. Naisip ko tuloy, kung sa Pilipinas ito nangyari, tiyak na mabilis pa sa alas-kwatro ay naiuwi na yan agad. Kung sino man ang maswerteng makauna ay siguradong may maipagmamalaking "bagong" sofa.

Friday, October 3, 2008

Thursday, October 2, 2008

National Day Fireworks 2008 HK

Sorry for the blur. I did not bring my tripod when I took these shots. I would still like to share 'em anyway. I promise to do better next time hehe.